Мы, лемки, маме тоже свои таланты, лемъ о нихъ не знаме, неинтересуемеся ними, загребуеме ихъ, не дбаме о нихъ, отбераме имъ вѣру въ нашу будучность. Тоты народны спѣванки, што ту помѣщены въ календарѣ, то творчество нашого народа. Въ тыхъ спѣванкахъ много народной поэзіи и чистого народного юмора, веселости. Таки спѣванки може сотворити лемъ талантливый народъ.

Тоты рисунки, што ту въ календарѣ найдете, то рисунки нашого лемка, самоучки въ рисункахъ, котрый ніякой артистичной школы не видѣлъ, што ся научилъ, то такъ, ”отъ ока“, самъ. Каждый знатокъ того дѣла признатъ, што то талантъ, не лемъ до рисунка, але есть въ него тугій сатирично-гумористичный талантъ. Не всѣ рисунки его, але тоты най лѣпши, котры ся Вамъ найлѣпше подабаютъ, то знайте, што то рисунки нашого бурсака сандецкого, Ив. Ю. Русенки, лемка изъ Красной, коло Стрижева. И тоты вершики, котры ся вамъ найлѣпше подабаютъ въ томъ календарѣ, то вершики Русенки.

Другій нашъ лемковскій талантъ, то М. И. Волошиновичъ, (Ваньо Березина) изъ Королика, пов. Сянокъ. Онъ уже больше мечтатель, поэтъ и писатель. Нашъ молодый селянинъ. Будете судити о нимъ сами изъ ”Свѣтъ школа, а бѣда учитель“ въ томъ календарѣ. Онъ прислалъ намъ пару хорошихъ народныхъ пѣсень, видно, што знае обрати, котра мае вартость и розумѣе нашъ народъ.

Намъ треба цѣнити свои таланты народны. И мы ихъ оцѣниме, але ажъ такъ оцѣниме, коли мы оцѣниме свой народъ, его бесѣду, пѣсню, обычай, его народне богатство.

Добавить комментарий


Защитный код
Обновить

 
КОНТАКТЫ

sub.verum@gmail.com

САЙТ СОЗДАН НА СРЕДСТВА,
ПОЛУЧЕННЫЕ ОТ ФОНДА
ПРЕЗИДЕНТСКИХ ГРАНТОВ,
НОМЕР ЗАЯВКИ 17-2-014751 

 ВОЗРАСТНЫЕ
ОГРАНИЧЕНИЯ 18+

 
Владелец сайта - Председатель Правления ФНКА "Украинцы России" Безпалько Б.А. © 2018-2024